38irtimd

04:08 pm: Tant que vivray

Tant que vivray en aage florissant
Je serviray d'amour le Dieu puissant,
En faictz, en ditz, en chansons et accordz;
Par plusieurs jours m'a tenu languissant,
Et puis apres m'a fait resjoyssant,
Car j'ay l'amour de la belle au gent corps;
Son alliance,
c'est ma fiance,
Son coeur est mien,
le mien est sien,
Fy de trestesse,
vive liesse,
Puisqu'en amours j'ay tant de biens.


Quand je la veulx servir et honorer,
Quand par escriptz veulx son nom decorer,
Quand je la veoy et visite souvent,
Ses envieux n'en font que murmurer;
Mais nostre amour n'en scauroit moins durer;
Autant ou plus en emporte le vent,
Maulgre envie,
toute ma vie,
Je l'aymeray
et chanteray;
C'est la premiere,
c'est la derniere
Que j'ay servie et serviray.